Gerbul-khuukhed.miniih.com

БАГА НАСНЫ ХҮҮХЭДТЭЙ ЭЦЭГ ЭХЭД ЗӨВЛӨГӨӨ ӨГӨХ ТӨВ

Японы Хүүхдийг Ивээх сангаас цэцэрлэгүүдэд техникийн туслалцаа үзүүллээ.

2013-02-14 15:00

 

Японы Хүүхдийг Ивээх сангаас цэцэрлэгүүдэд техникийн туслалцаа үзүүллээ.   

Хүүхдийн эсэн мэнд торних, сурч хөгжих, нийгэмшихэд чухал үүрэг гзйцэтгэдэг газрын нэг нь цэцэрлэг билээ. Иймээс Хүүхдийг Ивээх Сан нь сургуулийн өмнөх болон бага боловсролыг дэмжих стратеги зорилтынхоо хүрээнд “Хүүхдэд ээлтэй цэцэрлэг” төслийг 2011 оноос 3 жилийн хугацаатай хэрэгжүүлж байна. 

 

Хүүхдийн халамж, хамгаалал болон боловсролын чанартай үйлчилгээг хөгжүүлж, “Хүүхдэд ээлтэй цэцэрлэг”-ийн загварыг бий болгох зорилго бүхий уг төслийг Японы Засгийн газраас санхүүжүүлж байгаа юм.

“Багш, эцэг эхийн боловсролыг дэмжих номын сан”-гуудыг 38 цэцэрлэгт байгуулж, 3 цэцэрлэгийн 9 бүлгийн ариун цэврийн өрөөг “Хүүхдэд ээлтэй орчин” болгож засварлан сайжруулахад 148805382 төгрөгийг  техникийн туслалцаа үзүүлэв.  Түүнчлэн цэцэрлэг тус бүрд дижитал зургийн аппарат, самбар, номын шүүгээ, уулзалтын ширээ, сандал болон  багшийн ур чадвар, хүүхэд эцэг эхийн мэдлэг боловсролд зориулсан 100 орчим нэр төрлийн номоор хангаж байна. Тус төслөөс цэцэрлэгийн багш нарын чадавхийг дээшлүүлэхэд дэмжлэг үзүүлэх, менежментийг сайжруулах, зохистой хяналт үнэлгээний систем бий болгох, эцэг эхийн мэдлэг, оролцоог нэмэгдүүлэх олон талт үйл ажиллагаа явуулж байна.

Тус төслөөс цэцэрлэгийн багш, ажилтны мэргэжлийн ур чадварыг дээшлүүлэх, эцэг эхийн боловсролыг нэмэгдүүлэхэд ихээхэн ач холбогдол өгч байна. Энэ чиглэлээр  багш, эмч, эцэг эхийн боловсрол, удирдлага, хяналтын чиглэлээр 8 төрлийн сургалтын модулийг шинээр боловсрууллаа. Цэцэрлэгийн багш, туслах багш нарт төрөлжсөн  кредиттэй сургалтыг  ажлын байран дээр зохион байгуулж байгаа нь  үр дүнтэй аргачлал болж байна. Хүүхдэд ээлтэй хүмүүжлийн арга зүйг онол, практик хослуулан багш,  эцэг эхэд эзэмшүүлэхэд анхааран ажиллаж байна.

Дэлгэрэнгүй мэдээлэл авахыг хүсвэл дараах хаягаар холбогдоно уу.

Хүүхдийг Ивээх Сан,  утас: 11-329365;otgonchimeg@savethechildren.mn

Ангилал : Мэдээ мэдээлэл | Нийтэлсэн : A.Amartuvshin | Уншсан (598) | Өмнөх бичлэг | Дараагийн бичлэг

Сэтгэгдэл

  1. Г.Энх-Оюун :
    2015-04-02 10:33

    Сайн байна уу. Миний бие Сүхбаатар аймгийн Баруун-Урт сумын 9-р цэцэрлэгийн эрхлэгчээр ажилладаг. Манай цэцэрлэг 2014 оны 11-р сараас бага насны хүүхэд сургаж хөгжүүлэх үйл ажиллагааг шинээр эхлэн явуулж байна. Манай энэ байрыг өмнө нь 1-р сургууль хичээлийн 2-р байраар ашиглаж байсан. Эцэг эхийн эрэлт хүсэлт шаардлага болон бага насны хүүхэд олноороо цэцэрлэгт хамрагдаж чадахгүй байгаа зэргийг үндэслэн орон нутгийн засаг захиргаа цэцэрлэг байгуулах шийдвэр гаргаж манай цэцэрлэг энэ байранд үйл ажиллагаагаа эхэлсэн түүхтэй. Төсөв санхүүгийн хүндрэлээс шалтгаалан их засварт ороогүй бөгөөд хүүхдийн ариун цэврийн өрөөг тохижуулж чадаагүй байгаа. Мөн хүүхдийн тоглоомонд санхүүжилт огт хийгдээгүй байгаа. Та бүхний амжилттай хэрэгжүүлж байгаа “Багш, эцэг эхийн боловсролыг дэмжих номын сан”, “Хүүхдэд ээлтэй орчин” төслүүдэд хамрагдах хүсэлтэй байна. Яаж хамрагдах талаар мэдээлэл өгч тусална уу

Сэтгэгдэлийн тоо : 1

Сэтгэгдэл бичих

Таны нэр :
Таны э-мэйл хаяг : Ил харагдахгүй.
Сэтгэгдэл