Gerbul-khuukhed.miniih.com

БАГА НАСНЫ ХҮҮХЭДТЭЙ ЭЦЭГ ЭХЭД ЗӨВЛӨГӨӨ ӨГӨХ ТӨВ

Албан даалгавар хүргүүлэх тухай

2013-05-09 10:21:44

МОНГОЛ УЛСЫН БОЛОВСРОЛ, ШИНЖЛЭХ УХААНЫ САЙД

14200 Улаанбаатар хот, Сүхбаатар дүүрэг,

Бага тойруу 44, Засгийн Газрын III байр,

Утас: 26-24-80, Факс: 32-31-58, 26-06-13

E-mail: [email protected], http://www.meds.gov.mn

АЙМАГ, НИЙСЛЭЛИЙН

ЗАСАГ ДАРГА НАРТ

Албан даалгавар хүргүүлэх тухай

Монгол Улсын Төр, Засгийн газраас сургуулийн өмнөх боловсролын насны хүүхдийн эрүүл, аюулгүй өсч, бойжих, хөгжих эрхийг хангах талаар онцгой анхаарал хандуулж байгаагийн үр дүнд энэ оны байдлаар 2-5 насны нийт хүүхдийн 77,6 хувь болох 181,0 мянган хүүхэд, багачуудыг сургуулийн өмнөх боловсролын үйлчилгээнд хамруулсан.

Сургуулийн өмнөх боловсролын үйлчилгээнд хамрагдах хүүхдийн тоо жил бүр өсч байгаа хэдий ч өнөөгийн байдлаар улсын хэмжээнд нийтдээ 56,0 мянган хүүхэд буюу 10 хүүхэд тутмын 3 нь, нийслэлийн хэмжээнд 29,5 мянга буюу 10 хүүхдийн 4 нь цэцэрлэгт хамрагдаж чадахгүй байна.

Монгол Улсын Засгийн газар, Боловсрол, шинжлэх ухааны яамнаас 2012-2016 онд сургуулийн өмнөх боловсролын үйлчилгээний хүчин чадлын хомсдлыг арилгаж, үүсэн бий болж буй эрэлтийг хангах, төв, суурийн газрын цэцэрлэгийн хэт ачааллыг бууруулж хэвийн хэмжээнд хүргэх бодлого, төлөвлөлтийг хэрэгжүүлж байна.

Сургуулийн өмнөх боловсролын хүчин чадлыг нэмэгдүүлэх зорилгоор 2013 онд улсын хэмжээнд 10000 орны хүчин чадалтай 75,2 тэрбум төгрөгийн төсөвт өртөг бүхий 95 цэцэрлэгийн барилга угсралтын ажлыг гүйцэтгэж, 3900 ортой 36 цэцэрлэгийн барилгыг энэ онд ашиглалтад оруулна. Мөн 3200 хүүхдийн хүчин чадалтай, 1,3 тэрбум төгрөгийн төсөвт өртөгтэй 160 гэр цэцэрлэгийг, тавилга, тоног төхөөрөмжийн хамт нийлүүлнэ.

2013 онд өнгөрсөн онтой харьцуулахад цэцэрлэгийн хүчин чадлыг 3,8 хувиар, гэр цэцэрлэгийн үйлчилгээний хүчин чадлыг 10,5 хувиар, сургуулийн өмнөх боловсролын хамран сургалтыг 0,78 хувиар нэмэгдүүлж, 78,3 хувьд хүргэнэ.

Гэсэн хэдий ч энэ оны тухайд сургуулийн өмнөх боловсролын хүчин чадал үүсэн бий болоод байгаа эрэлтийг хангаж чадахгүй байх нөхцөл хэвээр үргэлжлэх тул нэн ялангуяа Улаанбаатар хот, шилжилт хөдөлгөөний төв болсон томоохон суурин газар болон аймгийн төвүүдэд цэцэрлэгийн элсэлт, бүртгэлийг эцэг эхэд чирэгдэлгүй, нээлттэй, шуурхай болгохтой холбогдуулан дараах арга хэмжээг хэрэгжүүлэхийг аймаг, нийслэлийн Засаг дарга нарт үүрэг болгож байна. Үүнд:

Ангилал : Мэдээ мэдээлэл | Нийтлэсэн : A.Amartuvshin | Уншисан (692) | Сэтгэгдэл ( 0 ) | Дэлгэрэнгүй

Сүүлийн сэтгэгдэлүүд