Gerbul-khuukhed.miniih.com

Ус бидэнд юу хэлдэг вэ?

Агаар гэж юу вэ? (туршилтууд)

 

1. Агаар хаана нуугдав?

Хүүхдэдээ хоосон гялгар уут үзүүлээд, дотор нь юу байгааг асуу. Мэдээж тэр юу ч байхгүй байна гэж хэлнэ. Түүнд харуулалгүйгээр уутны амыг онгойлгон, агаараар дүүргээд амсрыг нь хумин  эргүүлээд, түүнд үзүүл. Уут ямар болов, түүн дотор юу байна?  Хүүхдэд уутыг барьж үзэх боломж олго.  Хэрэв уутыг базвал түүн дотор ямар нэгэн юм байгаа нь тодорхой болно. Үүний дараа хамтдаа уутны амыг нээгээрэй.  Агаар гарч уут сулрана. Тэгвэл уутан дотор чухам юу байв?

"Бороо хэрхэн ордог вэ?"

Туулай яагаад урт чихтэй байдаг юм бэ?

Хүүхдийн сониуч занг хөгжүүлэх нь

 

 

Хүүхэд бүр хорвоо ертөнцтэй өөрөө танилцаж, түүнийг “нээх” гэсэн итгэхийн аргагүй их хүсэл эрмэлзлэлтэй байдаг. Бага наснаас өөр хэзээ ч амьдралтай танилцах гэсэн сониуч зан хөдлөх үе хүнд тохиодоггүй.

 

Эргэн тойрондоо байгаа бүхий л юмсыг сонирхдог сониуч хүүхдүүд үеийнхээ бусад хүүхдүүдээс хамаагүй хурдан хөгжиж байдаг. Харин эцэг эх та хүүхдийнхээ санааг тусган авч, шинэ сэдвийг сэдэж, тэдний сониуч зан, судлах хүсэл тэмүүллийг нь өдөөх хэрэгтэй. Энэ нь зөвхөн ухаантай, хөгжилтэй хүнийг бий болгоод зогсохгүй гэр бүлийн гишүүдийг ойртуулан дотносуулдаг. Та хүүхдийнхээ бага насны үед найз нь болж чадвал, түүний амьдралын хамгийн эгзэгтэй, бэрхшээлтэй үе болох өсвөр насанд нь ч найз хэвээрээ үлдэж чадна.